Ný vefsjá FSRE opnuð
Jarðir og fasteignir ríkisins á einu korti.
Ný vefsjá FSRE er nú aðgengileg á vef stofnunarinnar.
Í vefsjá FSRE eru þrjú gagnalög sem FSRE hefur yfirumsjón með. Þau eru: Ríkisjarðir, Annað land og lóðir ríkisins og Byggingar í umsjón FSRE. Ásamt því eru mörg önnur opinber kortalög inni í vefsjánni þannig að hægt er á mun auðveldari hátt en áður að bera saman mismunandi gögn og skörun þeirra við jarðir í eigu ríkisins með því að smella á jörðina eða sía útfrá ákveðnum eigindum. Vefsjáin er samvinnuverkefni FSRE og Alta ráðgjafastofu.
Unnið er að frekara uppbroti gagnanna og verður fljótlega hægt að sjá aukna tölfræði um eignir ríkisins.
