Húsnæði vantar fyrir píparanema og gömul skjöl
Nemar í pípulögnum við Borgarholtsskóla og starfsfólk Þjóðskjalasafns bíða spennt eftir niðurstöðum úr markaðskönnunum sem nú standa yfir. Leitað er húsnæði til að hýsa þessa ólíku starfsemi.
FSRE auglýsir nú eftir tilboðum í leiguhúsnæði fyrir annars vegar geymslur fyrir Þjóðskjalasafn og hinsvegar starfsemi pípulagnadeildar Borgarholtsskóla.
Þjóðskjalasafn bráðvantar varðveisluhúsnæði fyrir skjalasöfn sín. Miðað er við að húsnæðið sé á bilinu 1000-5000 fermetrar og verði tekið á leigu í 5 til 10 ár með möguleika á framlengingu. Gerð er krafa um staðsetningu á höfuðborgarsvæðinu. Húsnæðið skal afhendast fullbúið og tilbúið til notkunar sem fyrst en eigi síðar en 8 mánuðum frá undirritun leigusamnings.
Vegna framtíðaráforma er einnig óskað eftir upplýsingum um 3.000-10.000m2 í þéttbýliskjörnum á landinu sem uppfylla sömu skilyrði.
Ekki er æskilegt að byggingin sé staðsett á áhættusvæði vegna náttúruváar, s.s. jarðskjálfta-, flóða- og sprungusvæði.
Pípulagnanemarnir við Borgarholtsskóla þurfa hinsvegar eingöngu um 500 fermetra til að læra iðngrein sína. Gerð er krafa um staðsetningu húsnæðis innan Grafarvogs og að það verði helst í göngufæri við aðalbyggingu skólans. Miðað er við að húsnæðið verði tekið á leigu í 5 ár með möguleika á framlengingu í 2–3 ár í viðbót.
Húsnæðið skal afhendast fullbúið og tilbúið til notkunar í síðasta lagi 15. ágúst 2023.
Þau sem hafa yfir að ráða húsnæði sem uppfyllir þessar kröfur og fleiri sem koma fram í útboðsskilmálum eru hvött til að kynna sér málið hér:
Þjóðskjalasafn - Markaðskönnun
Pípulagnadeild Borgarholtsskóla - Markaðskönnun