Auglýsing -Ríkiseignir óska eftir að ráða tvo verkefnastjóra, annars vegar á sviði leigumála og hins vegar á sviði gæða og skjalavörslu.

Ríkiseignir óska eftir að ráða verkefnastjóra á sviði leigumála. Um er að ræða afar fjölbreytt og krefjandi verkefni. Verkefnastjóri hefur yfirumsjón með leigusamningum.

 Helstu verkefni:

• Yfirumsjón með leigusamningum.
• Ákvarða leiguverð, sem ígildi markaðsleigu, út frá ástandi, gæðum og staðsetningu.
• Útfæra stofnkostnaðarleigu vegna nýfjárfestinga.
• Samningagerð.
• Forsvar gagnavart leigutökum varðandi leigumál.
• Ábyrgð á að innheimtu, bókun húsaleigu og yfirliti um nýtingu húsnæðis.

 Hæfniskröfur:

• Háskólapróf í viðskiptafræði eða sambærilegt próf sem nýtist í starfi.
• Reynsla af verkefnastjórnun.
• Reynsla af fjármálagerningum er kostur.
• Jákvætt viðmót og færni í mannlegum samskiptum.
• Nákvæmni í vinnubrögðum.
• Gott vald á íslensku í ræðu og riti.

----------------------------------------------------------------------

Ríkiseignir óska eftir að ráða verkefnastjóra á sviði gæða og skjalavörslu. Um er að ræða afar fjölbreytt og krefjandi verkefni. Verkefnastjóri hefur yfirumsjón með innleiðingu, þróun og rekstri gæðakerfis ásamt skjalavörslu.

 Helstu verkefni:

• Gerð og uppfærsla gæða- og starfsmannahandbóka.
• Kynning á gæðakerfi og þjálfun við innleiðingu.
• Úttekt á virkni gæðakerfis og notkun þess.
• Uppbygging skjalastjórnunarkerfis og innleiðing.
• Umsjón með móttöku, söfnun, skráningu, varðveislu og miðlun skjala.
• Önnur verkefni er lúta að öruggri umhirðu gagna, s.s. persónuverndarmál.

 Hæfniskröfur:

• Háskólapróf eða önnur framhaldsmenntun sem nýtist í starfi.
• Reynsla og þekking á gæðastjórnun.
• Reynsla af skjalastjórnun og rafrænum skjalvörslukerfum.
• Jákvætt viðmót og færni í mannlegum samskiptum.
• Nákvæmni í vinnubrögðum.
• Gott vald á íslensku í ræðu og riti.
• Góð almenn tölvukunnátta.

  

Ríkiseignir hafa umsjón með fasteignum, jörðum og auðlindum í eigu ríkisins í umboði fjármálaráðuneytis. Hlutverk Ríkiseigna er að tryggja örugga og hagkvæma umsýslu þessara eigna. Umsýsla fasteigna felst einkum í útleigu húsnæðis til stofnana ríkisins, viðhaldi fasteigna og daglegum rekstri þeirra. Umsýsla jarðeigna felst aðallega í útleigu og ábúð á ríkisjörðum, umsjón með leigusamningum og samskiptum við leigutaka og ábúendur. Að auki annast Ríkiseignir umsýslu og skráningu auðlinda í eigu ríkisins.